Vinicius Jr merr përsipër fajin për eliminimin e Brazilit nga Copa America

Vinicius Junior ka dhuruar një kërkim falje të përzemërt në drejtim të tifozëve të Brazilit pas eliminimit të tyre nga Copa America pas humbjes në çerekfinale ndaj Uruguait, ndeshje të cilën e përcolli nga shtëpia shkaku i suspendimit.

Brazili u eliminua nga edicioni i vitit 2024 të Copa Americas nga Uruguai në gjysmëfinale pas ekzekutimit të penalltive, me Vinicius që nuk arriti të luajë në këtë sfidë shkaku i grumbullimit të kartonëve të verdhë.

Suspendimi i tij erdhi si pasojë e dy kartonëve të verdhë që ai mori në fazën e grupeve, të parin në fitoren me rezultat 4-1 ndaj Paraguait, aty ku Vinicius shënoi dy gola, dhe të dytin në barazim 1-1 ndaj Kolumbisë.

Pas eliminimit të Brazilit, Vinicius përmes rrjetit social Instagram shprehu keqardhjen e tij dhe kërkoi falje ndaj tifozëve të Brazilit.

Lexo po ashtu Pas eliminimit të Brazilit, Vini Jr nuk shihet më si fitues i Topit të Artë - ka një favorit të ri

Postimi i plotë i Vinicius:

Copa America ka përfunduar dhe tani është koha të reflektojmë dhe të dimë se si të përballemi me humbjen. Ndjenja e frustrimit më godet përsëri dhe përsëri në penallti.

Unë mora dy kartonë të verdhë dhe e shikova eliminimin nga larg përsëri, por këtë herë ishte faji im. Ju kërkoj falje për këtë.

E di se si ti dëgjojë kritikat, edhe ato më të rëndat, më besoni, unë jam rritur nga ato.

Udhëtimi im me kombëtaren, fatmirësisht, është vetëm fillimi. Së bashku me bashkëlojtarët e mi, unë do të kem mundësinë që ta vendosim kombëtaren tonë në vendin që meriton.

Ne do të rikthehemi në maje, ju dua dhe jemi të gjithë së bashku.

View this post on Instagram

A post shared by Vinicius Jr. ⚡️🇧🇷 (@vinijr)