Videoja shfaq pamjet e jashtëzakonshme të “mureve nga bora” që kanë rrethuar Lake Tahoe-n

Një video shfaq pamjet e jashtëzakonshme të “mureve” të mëdha nga bora që rrethojnë një shtëpi në Lake Tahoe, ku dhjetëra banorë janë “zhytur” në dëborë – teksa “Golden State” përgatitet për dy stuhi të tjera që pritet ta godasin vendin së shpejti.

Miles Clark, një skiator, u “trondit” kur mbërriti në shtëpinë e mikut të tij në Olympic Valley të enjten e kaluar për t’u kujdesur për shtëpinë e tij.

Shtëpia ka brigje të mëdha dëbore që rreshtojnë pjesën e përparme e të cilat janë gati dy herë më të gjata se Clark. E vetmja pjesë e pronës e dukshme është dera dhe muri i përparmë, e që është e mbushur me borë të dendur që qëndron sipër dhe një shteg të “pasigurt” të gdhendur rreth ndërtesës, raporton DailyMail, transmeton Telegrafi.

View this post on Instagram

A post shared by SnowBrains (@snowbrains)

Këto mure të mëdha bore janë potencialisht të rrezikshme për jetën, pasi që mund të rrënohen çatitë dhe copa të mëdha bore mund të bien papritur në vendkalim.

“Sinqerisht, kisha shumë frikë ta hiqja sepse nuk doja të kaloja kohë as duke qëndruar në atë vendkalim,” i tha ai San Francisko Gate-it. Ai tha se filloi të vraponte nëpër vendkalim sa herë që duhej të largohej nga shtëpia pasi kishte frikë se do të ndodhte një tjetër ortek i vogël dhe do të kërcënonte jetën e tij.

“E dija se kishim rënë shumë borë në Tahoe, por situata e kësaj stuhie është relativisht unike”, bëri të ditur Miles për SF Gate. “Bora u grumbullua dhe formoi një “mur”, dhe ata thjesht përfunduan me borë nga të gjitha anët”, shtoi ai.

Bora u pastrua nga shoqata e pronarëve të shtëpive të nesërmen. /Telegrafi/