Vetëm edhe 20 vende të lira për kampin e Real Madrid në Kosovë

Interesimi për pjesëmarrje në këtë kamp stërvitor është jashtëzakonisht i lartë dhe deri tani janë regjistruar 130 fëmijë. Tashmë kanë mbetur vetëm edhe 20 vende të lira për kampin stërvitor të Real Madrid.

Klubi Mbretëror Real Madridi do të mbajë një kamp stërvitor prej pesë ditësh në Prishtinë, ku do të ketë për qëllim zbulimin dhe avancimin e talentëve të futbollit në vendin tonë. Kampi stërvitor do të mbahet gjatë datave 19 deri më 23 Korrik në fushën e futbollit të 2 Korrikut.

Në këtë kamp stërvitor do të marrin pjesë grupmoshat prej 6-16 vjeç, në total gjithsej 150 fëmijë të ndarë në tre seanca në të cilat 50 pjesëmarrës do t’i zhvillojnë stërvitjet në secilën prej tyre.

Fëmijët pjesëmarrës që regjistrohen përfitojnë, fanella dhe certifikatë të pjesëmarrjes.

Trajnimi në kampin zyrtar të stërvitjes të Real Madridit do të mundësoj që lojtarët të stërviten si futbollist profesional dhe të përvetësojnë vlerat më të mira sportive.

Yjet e ardhshëm janë entuziastë për fillimin e këtij kampi dhe po bëhen gati t’i bashkohen trajnimit nga klubi mbretëror.

Regjistrimet bëhen në webfaqen: https://frmclinicskosovo.com/sq/register/