Vetëm dy lojtarë që kanë luajtur në debutimin e Southgate janë ende pjesë e Anglisë

Tetë vjet janë një kohë e gjatë në futboll dhe një vështrim në ekipin startues të Gareth Southgate tregon se vetëm dy lojtarë të cilët kanë luajtur në atë ndeshje, janë ende pjesë e ‘Tre Luanëve’.

Southgate ka qenë në krye të Anglisë për katër turne të mëdha, duke përfshirë dy edicione të Kupës së Botës dhe po aq të Kampionatit Evropian.

E para nga këto ishte Kupa e Botës 2018 në Rusi, aty ku Anglia arriti kualifikimin në fazën gjysmëfinale dhe humbi nga Kroacia.

Anglia e përfundoi në vend të dytë Euro 2024, e cila u shtye për një vit për shkak të pandemisë COVID-10, teksa Southgate udhëhoqi kombëtaren në finalen e tyre të parë që nga viti 1966, por humbën në penallti ndaj Italisë.

Lexo po ashtu Dita e finales: Spanja dhe Anglia takohen në Berlin në kërkim të trofeut

Në Kupën e Botës 2022 në Katar, Anglia u kualifikua në çerekfinale, por u mposht me rezultat 2-1 nga Franca.

Tani Southgate e ka udhëhequr Anglinë drejt finales së dytë radhazi të Kampionatit Evropian, me takimin ndaj Spanjës që do të luhet sot (14 korrik) në mbrëmje.

Ndeshja e parë e Southgate në krye të Anglisë erdhi në tetor të 2016, aty ku Anglia fitoi me rezultat 2-0 ndaj Maltës në kuadër të kualifikimeve për Botërorin e 2018-ës.

Lexo po ashtu Wayne Rooney bën parashikimin e çmendur për finalen e Euro 2024

Nëse shohim formacionin startues të asaj ndeshje, vërejmë se vetëm dy lojtarë kanë mbijetuar në ditët e sotme në planet e Southgate.

Emra si Joe Hart, Wayne Rooney, Jordan Henderson, Dele Alli me një treshe të sulmit prej Theo Walcott, Daniel Sturridge dhe Jesse Lingard ishin në mesin e lojtarëve të formacionit bazë.

Shumica e tyre tani janë pensionuar, duke përfshirë Hart, Cahill, Bertrand, Rooney, Walcott dhe Sturridge.

Vetëm dyshja e Manchester Cityt, Kyle Walker dhe John Stones janë ende pjesë e Anglisë dhe vazhdojnë të jenë zgjedhja e parë e Southgate./Telegrafi/