Kryetari i Kuvendit, Kadri Veseli ka reaguar lidhur me aksidentin e rëndë në Gjilan.
Veseli në një postim në rrjetin social Facebook ka shkruar se është i tronditur nga ky aksident, duke i ngushëlluar familjen e viktimës.
"I tronditur nga aksidenti i rëndë në Gjilan, në të cilin një person humbi jetën dhe disa të tjerë u lënduan. Ngushëllime familjes së viktimës dhe shërim sa më të shpejtë të lënduarve.
Kërkoj nga institucionet përgjegjëse që të angazhohen maksimalisht për zbardhjen e rastit dhe të punojnë më shumë në parandalimin e aksidenteve", ka shkruar ai./Telegrafi/
