Digitalb Kupa e Kosovës do të zhvillohet këtë fundjavë, ku na presin shumë ndeshje interesante.
Në garë për trofeun e çmueshëm të Kupës së Kosovës kanë mbetur 16 skuadra, ku secila nga to ka për synim triumfin në Kupë.
Padyshim që vëmendja më e madhe e adhuruesve të futbollit të Kosovës do të jetë në qytetin e Prizrenit, ku përballen dy rivalët e vjetër Liria dhe Prishtina.
Si vendasit ashtu mysafirët kërkojnë kalimin tutje pasi synojnë fitimin e Kupës së Kosovës.
Interesant pritet të jetë edhe në Pejë, ku dy skuadra tjera të mëdha, Besa dhe Vëllaznimi janë përballë njëra tjetrës.
Të dyja skuadrat janë në Ligën e Parë dhe me synim për tu rikthyer në Superligë, ndërsa kanë për synim të vazhdojnë tutje edhe në Kupë.
Kampioni në fuqi i Kosovës, Drita ka pasur fat në short teksa në Gjilan pret Minatorin.
Ndërkohë ndeshja tjetër e ditës së sotme zhvillohet në Fushë Kosovë mes skuadrës me po të njëjtin emër dhe Ferizajt. /Telegrafi/
