Vela e quan Vuçiqin “profiter lufte”: Më 1999 i siguroi vetes banesë në qendër të Beogradit

Blerim Vela, shef i Kabinetit të Presidentes së Kosovës, Vjosa Osmani, e ka quajtur “profiter të mirë të luftës” presidentin e Serbisë, Aleksandar Vuçiq.

Sipas tij, kreu i shtetit serb në vitin 1999 i ka siguruar vetës një apartament në qendër të Beogradit, ndërsa ka shtuat se “fytyra e vërtetë e Vuçiqit është ajo e një njeriu që po përjeton krizë të moshës së mesme dhe që përpiqet të kompensojë në mënyrë të tepruar kredencialet që i mungojnë”.

Lexo po ashtu "Makarona, qumësht e patate" - të gjithë po qeshin me paraqitjen e fundit televizive të Vuçiqit

Këto deklarime Vela i ka bërë në platformën “X”, teksa ka komentuar konferencën për media të Vuçiqit të mbajtur të premten, ku i njëjti duke iu drejtuar qytetarëve lidhur me çmimet e ushqimeve bazë, ka pasur një paraqitje aspak të pazakontë. Në fillim ai ka bërë të ditur se është arritur marrëveshje me prodhuesit dhe tregtarët që nga e mërkura të ulen çmimet në dyqane për 20 produkte ushqimore bazë. Përpara tij qëndronte një shportë e mbushur me ushqimet e përmendura, nga të cilat ai nxirrte një nga një, duke lexuar çmimet aktuale dhe të ardhshme, të cilat do të jenë dukshëm më të ulëta.

“Retorika nacionaliste dhe ambiciet hegjemoniste të Vuçiqit janë kompensim për kohën kur ai ishte në moshën e ‘shërbimit ushtarak’, por megjithatë humbi të gjithë ‘aksionin’ kur Serbia zhvilloi tri luftëra në vitet 1990. Në atë kohë, ai u tregua një profiter i mirë i luftës. Në vitin 1999, ai i siguroi vetes një apartament në qendër të Beogradit”, ka shkruar Vela.

Ai në fund ka shtuar se “kur Vuçiq do të dështojë, Serbia do të çlirohet nga ëndrrat e rreme dhe më në fund Serbia do të përqafojë vlerat evropiane të demokracisë dhe respektit”. /Telegrafi/

Vucic’s nationalistic rhetoric and hegemonic ambitions are a compensation for when he was of “military service” age but nevertheless missed all the “action” when Serbia fought three wars in the 1990s.

Back then, he showed himself to be a good war profiteer.

1/3 pic.twitter.com/G0xLWIvwyQ

— Blerim Vela (@Blerim_Vela) September 9, 2023