Vedat Muriqi është duke kaluar nëpër një formë të mrekullueshme këtë edicion.
Sulmuesi nga Kosova ka arritur të shënojë edhe dy gola tjerë me fanellën e Rizesporit.
Muriqi e ka nisur nga minuta e parë për skuadrën e tij ndeshjen ndaj Kayserisporit.
Prizrenasit i kanë mjaftuar 22 minuta lojë për të shënuar golin e parë në ndeshje.
Pas një tollovie në zonë, Muriqi u gjend mirë afër golit dhe me një goditje të fuqishme shënoi për 1-0.
https://twitter.com/goalforza/status/1104736592676225025
Ndërkohë Muriqi arriti të realizojë nga penalltia në minutën e 65-të për ta ngritur epërsinë e ekipit të tij në 3-0.
Me dy golat ndaj Kayserisporit, prizrenasi ka arritur në koutën e dhjetë golave në kampionat.
https://twitter.com/goalforza/status/1104751610897592320
Përveç dhjetë golave të shënuar, Muriqi këtë edicion ka kontribuar edhe me gjashtë asistime. /Telegrafi/
