LAJMI I FUNDIT:

Vazhdon përplasja Murati-Bajrami, ministri e quan “redaktore e lajmeve” – deputetja ia kthen “mashtrimeve tuaja po ju vjen fundi”

Vazhdon përplasja Murati-Bajrami, ministri e quan “redaktore e lajmeve” – deputetja ia kthen “mashtrimeve tuaja po ju vjen fundi”

Tashmë kur është caktuar data e zgjedhjeve të reja parlamentare, janë shtuar edhe përplasjet mes pozitës e opozitës.

Një përplasje mes ministrit të Financave, Hekuran Murati dhe ish-ministres Hykmete Bajrami është duke vazhduar këto ditë në rrjetin social Facebook.

Murati dhe Bajrami vazhdimisht po replikojnë me njëri-tjetrin përmes disa postimeve në llogaritë e tyre.


“Sebepi” i kësaj përplasje ishte një postim i ministrit Murati lidhur me përfitimet të Bonove të Diasporës, duke theksuar se investimi në këto bono ka qenë i suksesshëm dhe ka ndihmuar në zhvillimin e vendit.

Ndaj kësaj deklarate reagoi deputetja e LDK-së, Hykmete Bajrami e cila akuzoi ministrin Murati për mashtrime dhe manipulime.

Por përplasja e tyre ka vazhduar. Ministri Murati e quajti Bajramin redaktore e lajmeve.

“Përhajr puna e re si redaktore e lajmeve, Hykmete! Me gjasë kjo duhet të jetë nga ato pakot e marketingut që u ofrohet reklamuesve premium, e titulluar “Shkruajeni vetë lajmin”, ku reklamuesit i ofrohet qasje direkte në portal dhe mund të postojë lajme sa herë që ka nevojë, qoftë edhe të shtunën në ora 23:06”, ka shkruar Murati të shtunën mbrëma.

Ish-ministrja Bajrami i ka reaguar sot me një tjetër postim duke thënë se nuk kalojnë mashtrimet me bono.

“Nuk kalojnë mashtrimet me bono. Prandaj s’keni përgjigje. Ne mungesë të përgjigjes, ministri i dështimeve po ju tregon mediave qysh duhet të publikojnë reagimet e opozitës ku zbërthehen mashtrimet e partisë në pushtet. Tregoni qysh po mashtroni me bono. Jepni përgjegjësi qysh keni mashtru prej bashkimit kombëtar e deri te 160 çerdhet që kurre nuk u ndërtuan”, ka shkruar Bajrami.

Ajo tutje ka thënë se mashtrive të LVV-së po ju vjen fundi.

“Qytetarët po kërkojnë përgjigje pse mashtruat se do t’i përfundoni rrugët për Gjilan, Mitrovicë e Podujevë. Dikur një deputet i partisë në pushtet pyeste se a ka mashtru kryeministri diçka tjetër pos për energji elektrike? Mashtrimeve tuaja po ju vjen fundi dhe prandaj shkaktojnë dhimbje kur mashtrimet tuaja ua tregoj qytetarëve”, ka shkruar deputetja e LDK-së. /Telegrafi/

Në trend Lajme

Më shumë
Vrasja në Astir, zbardhet dëshmia e autorit: E pashë nga dritarja që po ngacmonte të fejuarën dhe zbrita me thikë

Vrasja në Astir, zbardhet dëshmia e autorit: E pashë nga dritarja që po ngacmonte të fejuarën dhe zbrita me thikë

Lajme
Dogana e Kosovës ndalon kontrabandën në Jarinje

Dogana e Kosovës ndalon kontrabandën në Jarinje

Lajme
Lirohet një nga plazhet më të bukura të Shqipërisë, hiqen çadrat dhe lokalet që kishin zaptuar hapësirën publike

Lirohet një nga plazhet më të bukura të Shqipërisë, hiqen çadrat dhe lokalet që kishin zaptuar hapësirën publike

Lajme
Mbi 21 mijë persona me leje qëndrimi në Shqipëri, prijnë qytetarët e Kosovës

Mbi 21 mijë persona me leje qëndrimi në Shqipëri, prijnë qytetarët e Kosovës

Lajme
Rimëkëmbet Euro në Shqipëri, rikthehet sipër nivelit të 100 lekëve

Rimëkëmbet Euro në Shqipëri, rikthehet sipër nivelit të 100 lekëve

Lajme
Shtatë vite në arrati, dorëzohet i dyshuari për ngjarjet e 27 prillit

Shtatë vite në arrati, dorëzohet i dyshuari për ngjarjet e 27 prillit

Lajme
Kalo në kategori