Van Gaal thotë se humbja e Holandës në Botërorin e vitit 2022 ndaj Argjentinës ishte e manipuluar

Louis van Gaal ka dalë me një teori konspirative rreth eliminimit të Holandës nga Argjetina në Kampionatin Botëror që u mbajt në fund të vitit të kaluar në Katar.

Trajneri holandez ka thënë se gjithçka ishte e manipuluar në favor të argjentinasve, por që Lionel Messi e meritonte të shpallej kampion bote.

“Nuk dua të them shumë për këtë. Nëse e shihni se si Argjentina i ka arritur qëllimet e saj dhe si i ka shënuar golat ndaj nesh, dhe sesi disa nga lojtarët e Argjentinës tejkaluan dhe nuk u ndëshkuan, atëherë mendoj se gjithçka është një lojë e manipuluar”, ka thënë Van Gaal.

Lexo po ashtu Messi trondit gazetarin teksa zbulon se do të pensionohej nëse Argjentina nuk do të kishte fituar Kupën e Botës

“Kur them gjithçka, e them në të gjitha aspektet (që ishte në favor të Argjentinës). A duhej të bëhej Messi kampion bote? Mendoj se po”, shtoi 72-vjeçari.

Ishte pikërisht ajo ndeshje kur Messi festoi golin e tij me një gjest thumbues pikërisht përpara Van Gaal dhe stafit të tij stërvitor.

Ndeshja u drejtua nga i famshmi Mateu Lahoz i cili humbi plotësisht kontrollin e lojës, duke treguar 19 kartonë të verdhë. /Telegrafi/