Van Dijk kritikohet për mënyrën se si u soll me tifozin derisa po jepte intervistë

Ylli i Liverpoolit, Virgil van Dijk u kthye në kombëtaren e Holandës mbrëmë dhe shënoi rikthimin duke larguar një tifoz që u përpoq të ndërpriste intervistën e tij pas ndeshjes.

Kapiteni holandez, i cili ishte jashtë fushës për 10 muaj pasi pësoi një dëmtim të rëndë në gju në derbin e Merseyside kundër Evertonit, luajti plot 90 minuta në barazimin 1-1 me Norvegjinë.

Van Dijk doli para mediave në ndeshjen kualifikuese për në Kupën e Botës dhe dha analizën e tij mbi lojën kur një tifoz u shfaq nga askund.

Mbështetësi kishte telefonin e tij në njërën dorë dhe i vuri dorën tjetër rreth tij, duke brohoritur i emocionuar “VAN DIJK!”.

Van Dijk e largoi atë – jo shumë me forcë, por mjaftueshëm për të larguar tifozin – dhe shprehja e fytyrës së tij ishte jo e këndshme.

Van Dijk is not in the mood for your bullshit. pic.twitter.com/B6Z5usuHKd

— Project Football EPL (@ProjectEPL) September 1, 2021

Ai gjithashtu tha, “Ju lutem” para se të vazhdonte me përgjigjen e tij në intervistë.

Klipi rreth 10 sekonda është shpërndarë gjerësisht në mediat sociale, me fansat që nuk e pëlqyen qasjen të pakuptimtë nga 30-vjeçari.

Holanda luajti një barazim 1-1 me Norvegjinë, me golat e shënuara nga Davy Klaassen dhe Erling Haaland. /Telegrafi/