Vajza e Madonnas, Lourdes Leon debuton në muzikë – publikon këngën e parë

Vajza e Madonnas, Lourdes Leon ka nisur zyrtarisht karrierën e saj muzikore dhe po feston publikimin e këngës së saj debutuese.

Të mërkurën (24 gusht), 25-vjeçarja publikoi këngën e saj të parë, të quajtur “Lock&Key”, shkruan DailyMail.

Lourdes, babai i së cilës është aktori amerikan Carlos Leon, publikoi gjithashtu një video muzikore për këngën teksa ajo ndjek gjurmët e nënës së saj të famshme.

Në videoklipin muzikor, Lourdes duket e pabesueshme me një fytyrë plot grim dhe veshje të ndryshme dhe provokuese.

Në një skenë, ajo rrotullohet në plazh e veshur me bikini dhe një rrjetë sipër, me flokët e saj të gjata lëshuar mbi supe.

Ajo gjithashtu mund të shihet duke kanalizuar skenën ‘punk rock’ ndërsa shihet e veshur tërësisht në të zeza në një varrezë.

Kënga debutuese dhe klipi muzikor i Lourdesit janë publikuar nën emrin e saj të ri artistik, Lolahol.

Krahas muzikës, ish-studentja ka marrë pjesë edhe në industrinë e modelimit dhe së fundmi ka pozuar për një video për markën “Mugler”.

Në fushatën e modës së lartë, Lourdes u shfaq për të kanalizuar një pamje që nëna e saj, tani 64 vjeçe, dikur kishte veshur gjatë kulmit të karrierës së saj.

Lourdes ka punuar tashmë për SKIMS, Savage x Fenty dhe Versace.

Lourdes ka folur më parë për nënën e saj të famshme dhe tha se dëshiron që njerëzit të dinë se ajo nuk është thjesht një tjetër ‘fëmijë e pasur pa talent’.

Duke folur për Vogue, Lourdes tha: “Njerëzit mendojnë se unë jam ky fëmijë i pasur pa talent që ia kanë dhënë gjithçka, por unë nuk jam”.

Bukuroshja brune tregoi se e ka paguar vetë universitetin e saj dhe se jeton në Bushwick, një lagje në New York.

Madonna u takua me babanë e Lourdes, Carlos Leon, 55 vjeç, një trajner personal, në vitin 1994. Ish-çifti u përfol se ishte fejuar në një moment dhe kishin lidhje për rreth tre vjet.

Ata u ndanë në 1997, më pak se një vit pasi Lourdes lindi në 1996.

Lexo po ashtu Madonna: Muzika pop moderne është konfuze

Madonna mirëpriti djalin Rocco Ritchie, 22 vjeç, me ish-bashkëshortin Guy Ritchie, dhe ka katër fëmijë të birësuar; 16-vjeçari David (të cilin e adoptoi me Ritchie), Mercy, 17 dhe binjakët nëntë-vjeçarë Stella dhe Estere. /Telegrafi/