Fillimi i moshës së mesme është pikë kritike në jetë.
Ekspertët tregojnë se në mesin e viteve të 40’ta fillon zvogëlimi i masës muskulore dhe depozitat e dhjamit fillojnë të ndërtohen, transmeton Telegrafi.
Kjo shpie në obezitet, diabet, shtypje të lartë të gjakut, probleme të zemrës, sulm të trurit, madje edhe në disa forma të kancerit.
Prandaj është e rëndësishme që të bëni aktivitet fizik çdo ditë për t’i zvogëluar ato rreziqe.
Mos e lini metabolizmin të ngadalësohet – bëni BURPEE
Ushtrimet kardio me intensitet të lartë e stimulojnë metabolizmin, gjë e cila është shumë e nevojshme pas një moshe të caktuar. Në mënyrë që të parandalohet ngadalësimi i metabolizmit ne duhet të bëjmë këtë ushtrim të paktën dy herë në javë. Filloni me një seri me tri përsëritje dhe pastaj shtojeni një përsëritje çdo herë.
Çdo femër dëshiron ta ketë një të pasme rrumbullake, por edhe ato fatlumet të cilat e kanë në mënyrë natyrale do të fillojnë ta humbin pas moshës 40 vjet shkaku i humbjes së masës muskulore. ‘Squat’-at mundësojnë bonifikimin e trupit dhe parandalimin e lëndimeve duke e përmirësuar fleksibilitetin.
Bëjeni këtë ushtrim nga 90 sekonda tri herë në javë në mënyrë që t’i tonifikoni muskujt e barkut dhe ta forconi shpinën.
Ecja është ushtrimi më i thjeshtë dhe më i mirë që gjithsecili mund ta bëjë. Përveç se djegë kalori, ecja edhe e tonifikon trupin, e përmirëson disponimin dhe nuk na i dëmton nyejt. /Telegrafi/
