USHTRIA E SHTATË KOMBEVE

Nga: Jack White (kënga “Seven Nation Army” e grupit The White Stripes, nga albumi “Elephant” i vitit 2003)
Përktheu: Agron Shala

Krejt kam me i luftue
Ushtria e shtatë kombeve s’ka me mujt me m’dalë
Ata kanë me u shpërba
Kadaldal e mbrapa shpinës teme
E natën unë me veten flas
Se s’muj me harrue
Mbrapa tymit t’cigares
Tue u end nëpër trunin tem
Porosia qi prej syve t’mi del
Thotë: mos u merr me te!

Nuk du me ndie asnji send për te
Secili e ka nji rrëfim me rrëfye
Secili e di ate
Prej mbretneshës s’Anglisë e deri te zagarët e Ferrit
E nëse e kapi tue ardhë kah unë
Mbrapa te ti kam me e kthye
E kjo s’âsht ajo qi ti do me ndigjue
Ama âsht ajo qi unë kam me e bâ
E ndjesia qi del prej eshtnave t’mi’
Thotë: vatrën e shpisë gjeje ti

Po shkoj n’Viçitë
Përgjithmonë larg prej kësaj opere
N’fushë kam me punue
Kam me e derdh djersën prej secilës pore
Edhe jam kah gjakoj, gjakoj, gjakoj
Bash para Perenisë
Krejt fjalët kanë me gjakue preje meje
E ma s’kam me mendue
Edhe njollat qi prej gjakut tem vijnë
Po m’thonë: n’vatrën e shpisë kthehu ti

/Telegrafi/