LAJMI I FUNDIT:

Ura e vjetër e gurit në Vushtrri, monumenti që daton nga shekulli II-të (Video)

Ura e vjetër e gurit në Vushtrri, monumenti që daton nga shekulli II-të (Video)

Ura e vjetër e gurit e cila gjendet në Komunën e Vushtrrisë thuhet se është ndërtuar në shekullin II-III dhe i përket kohës së perandorisë romake.

Kjo urë dikur shërbente si urë lidhëse mes qytetit të Vushtrrisë dhe shumë fshatrave përreth.

Është e ndërtuar nga guri i butë me përbërje gëlqerore, karakterizohet nga ngjyra e bardhë dhe e kuqe.


Historiani Izet Miftari thotë për RTV Dukagjinin se ura është shumë e rëndësishme pasi tregon për vjetërsinë e qytetit të Vushtrrisë.

“Vushrria në kohën antike është quajtur Vicianum. 5-6 harqe të kësaj ure mendohet se janë ndërtuar në shekullin e II ose III. Rëndësia e këtij monumenti është se ai tregon se sa i vjetër është qyteti i Vushtrrisë”, deklaroi ai.

Ura e Vjetër e Gurit është e gjatë 150 metra ndërsa e gjerë gjashtë metra, çka tregon se i përket periudhës së antikitetit.

Dikur kjo urë ka lidhur qytetin e Vushtrrisë me shumë fshatra, madje edhe ka lidhur edhe Vushtrrinë me Mitrovicën.
“Rruga nga Vushtrria për Mitrovicë ka kaluar këndej. Ajo ka lidhur edhe Vushtrrinë me fshatrat Pantinë, Shtetaricë, Bajr, Frashër etj.,”

Sipas historianit Izet Miftari deri në shekullin e XVII nën këtë urë ka kaluar lumi Sitnica.

“Deri në shekullin e XVII nën këtë urë ka kaluar lumi Sitnica, ndërsa mendohet se për shkak të ndryshimeve natyrore, erozioneve etj., Sitnica ka devijuar për 500 metra dhe kjo urë sot e saj dite ka mbetur pa lum”, deklaroi ai./Telegrafi/

Në trend Lajme

Më shumë

"Ishte mysafir në restorant", familjari i të vrarit në Prishtinë thotë se i ndjeri u kap aksidentalisht nga plumbat

Lajme
Investimet në ushtri, Kurti premton se mandatin e ardhshëm do të ndajë 1 miliard euro

Investimet në ushtri, Kurti premton se mandatin e ardhshëm do të ndajë 1 miliard euro

Lajme
Vrasja në Prishtinë, policia thotë se personat e dyshuar ishin të maskuar

Vrasja në Prishtinë, policia thotë se personat e dyshuar ishin të maskuar

Kronika e Zezë
Vrasjet e tri ditëve të fundit, Krasniqi: Nuk mund të heshtim - shteti duhet të zgjohet

Vrasjet e tri ditëve të fundit, Krasniqi: Nuk mund të heshtim - shteti duhet të zgjohet

Lajme
Nga të shtënat me armë zjarri në orët e vona të së martës në Prishtinë një i vdekur dhe një i plagosur – çka dihet deri tani?

Nga të shtënat me armë zjarri në orët e vona të së martës në Prishtinë një i vdekur dhe një i plagosur – çka dihet deri tani?

Kronika e Zezë
“Pazar i madh”, Canaj: Abdixhiku po kërkon postin e kryeministrit dhe tetë ministri

“Pazar i madh”, Canaj: Abdixhiku po kërkon postin e kryeministrit dhe tetë ministri

Lajme
Kalo në kategori