Unitedi përgatit 56 milionë euro për Maguiren

Manchester Unitedi ka bërë mbrojtësin anglez, Harry Maguire, njërin nga prioritetet kryesore për afatin kalimtar veror dhe po përgat një ofertë të lartë për të.

Djajtë e Kuq kanë dështuar në sezonin e fundit në të gjitha garat dhe synojnë përforcimin e skuadrës për sezonin e ri.

Trajneri Jose Mourinho dhe drejtuesit e klubit anglez duan të përforcojnë repartin e mbrojtjes pasi në sezonin e fundit çaloi shumë.

Lexo po ashtu Historia e suksesit të mbrojtësit Maguire: Në Euro 2016 ishte tifoz së bashku me shokët, në Kupën e Botës 2018 në gjysmëfinale me Anglinë

Sipas tabloidit Daily Mail, Unitedi po përgatit një ofertë të madhe për mbrojtësin e Leicester Cityt, Maguire.

25-vjeçari luajti për Anglinë në Kupën e Botës, duke treguar super paraqitje dhe duke rritur çmimin pas një sezoni të parë yjor me Dhelprat.

Unitedi do të duhet të paguajë më shumë se 50 milionë funte apo 56 milionë euro për të bindur Leicesterin të largojë nga duart pasurinë e tyre të çmuar.

Lexo po ashtu Man Utd kërkon Bonuccin

Përveç Maguires, Djajtë e Kuq kanë etiketuar edhe kapitenin e Milanit, Leonardo Bonucci si njërin nga objektivat.

Edhe Toby Alderwiereld i Tottenham Hotspur dhe Jerome Boateng janë në radarin e klubit të madh anglez. /Telegrafi/