U sollën si “shpellarë”, Vëllai i Madh dënon Rozanën, Gjestin, G Banin dhe Klajdin të jetojnë në një “shpellë” brenda BBVA pas thyerjes së rregullave

Në spektaklin e së martës në Big Brother VIP Albania 4, një moment i papritur ka tronditur jo vetëm banorët, por edhe publikun.

Pasi kishte kaluar një javë e mbushur me tensione, sherr dhe shkelje rregullash, “Vëllai i Madh” ka lexuar përmbajtjen e zarfit të zi, një moment që i dha fund diskutimeve të shumta të krijuara nga veprimet e disa banorëve.

Para se të bëhej i njohur vendimi i rreptë, një klip u shfaq për të gjithë banorët dhe shikuesit, duke zbuluar shkeljet që kishin bërë katër prej tyre gjatë javës.

Rozana Radi, Gjesti, G Bani dhe Klajdi Musabelliu ishin ata që ishin kapur në thyerjen e rregullave të shtëpisë, duke përfshirë fyerje, sharje të rënda dhe veprime të tjera të papranueshme që bien në kundërshtim me normat e vendosura.

Pas këtij shqyrtimi, “Vëllai i Madh” ka marrë një vendim të ashpër për këta katër banorë: ata do të kalonin në një “shpellë” të improvizuar brenda shtëpisë, një dhomë e krijuar për të pasqyruar kushte mesjetare, si një simbol i sjelljes së tyre të pahijshme.

Ky dënim ishte një përpjekje për t’u treguar atyre se veprimet e tyre kishin pasoja dhe se sjellja e tillë nuk mund të tolerohej.

Në një atmosferë të tensionuar, të gjithë banorët janë të ftuar të reflektojnë mbi veprimet e tyre dhe pas kësaj mase, katër shkelësit e rregullave do të ndodhen gjithashtu në televotim.

Publiku do të ketë mundësinë të votojë dhe një nga ta do të largohet nga shtëpia të shtunën, një vendim që do të jetë me shumë ndikim për dinamikën e mëtejshme të spektaklit. /Telegrafi/