U mendua se virusi “ishte shuar”, por jo – në Tajvan shfaqet një rast i ri me coronavirus, pas 250 ditësh

Tajvani ka regjistruar rastin e parë të transmetuar në vend të coronavirusit që nga muaji prill.

Sipas CNN, përcjell Telegrafi, vendi ka pasur një nga përgjigjet më të suksesshme pandemike në botë, dhe infeksioni i ri i jep fund një periudhe 255-ditore pa transmetim lokal, duke nënvizuar vështirësitë në kontrollin e virusit edhe në zonat ku “është shuar”.

Sipas një deklarate të lëshuar nga ministria e shëndetit të ishullit të martën, një grua në të 30-at e saj ishte infektuar pasi kishte kontaktuar me një pilot të huaj, i cili gjithashtu doli pozitiv për virusin, midis 8 dhe 12 dhjetor.

Tajvani ka qenë pa koronavirus që nga 12 prilli, duke regjistruar vetëm raste të importuara.

Pasagjerët që mbërrijnë në ishull duhet të hyjnë në karantinë dhe ata që rezultojnë pozitivë janë të izoluar dhe të mjekohen.

Tri raste të tilla të importuara u regjistruan gjithashtu të martën, duke e çuar numrin e përgjithshëm të rasteve në Tajvan që nga fillimi i pandemisë në 770.

Tajvani konfirmoi rastin e tij të parë të raportuar në 21 janar, pas së cilës ndaloi banorët e Wuhan të udhëtonin në ishull.

Të gjithë udhëtarëve që mbërrinin nga Kina kontinentale, Hong Kong dhe Makao u kërkohej t’i nënshtroheshin kontrollit.

E gjithë kjo ndodhi para se vetë Wuhan të hynte në bllokim më 23 janar.

Nga marsi, Tajvani kishte ndaluar të gjithë shtetasit e huaj të hynin në ishull, përveç diplomatëve, banorëve dhe atyre me viza speciale të hyrjes.

Në të njëjtën kohë, programet e gjurmimit dhe testimi i përhapur u mundësuan autoriteteve tajvaneze të kontrollojnë në mënyrë efektive epideminë lokale dhe të trajtojnë ata që ishin infektuar.

Suksesi i Tajvanit në mbajtjen jashtë të virusit ka mundësuar që ishulli të hapet dhe të kthehet në normalitetin relativ muajt e fundit, edhe kur pjesët e tjera të Azisë Lindore janë zhytur përsëri në bllokime ose kufizime të rritura si rezultat i valëve të reja të infeksionit. /Telegrafi/