Tzanakopoulos: Deri më tani nuk ka njoftim për takim në mes Zaev dhe Tsipras

Kryeministrat, Zaev dhe Tsipras sot marrin pjesë në takimin në Londër në kuadër të “Procesit të Berlinit për vendet e Ballkanit Perëndimor”, por deri më tani nuk ekziston informacion për një takim të mundshëm të tyre, përcjell Telegrafi Maqedoni.

“Nuk e di se a do të takohen në kuadër të “Procesit të Berlinit”. Deri më tani nuk ekziston ndonjë vendim apo ndonjë informacion i tillë”, tha zëdhënësi i Qeverisë greke. Dimitris Tzanakopoulos, duke iu përgjigjur në pyetjen e korrespodentit të AIM-ës nga Athina.

Greqia për herë të parë merr pjesë në takim dhe do të jetë anëtare e barabartë e iniciativës. Kryeministri i Greqisë nga Londra do të udhëtojë për në Bruksel, ku do të takohet me shefin e diplomacisë greke, Nikos Kotzias dhe ministrin e mbrojtjes, Panos Kammenos, të cilët e përbëjnë delegacionin grek në Samitin e NATO-s.

Tzanakopoulos tha se Maqedonia do të bëhet anëtare e NATO-s kur do të mbarojnë të gjitha obligimet e parapara në marrëveshjen e Prespës. /Telegrafi/