Tyler Herro tentoi ‘alley-oop’ nga gjysma e fushës për Jimmy Butler, por momenti bëhet viral pasi topi përfundoi në kosh

Basketbollisti i Miami Heat, Tyler Herro ka përfunduar si viral në rrjetet sociale pas një trepikëshi të shënuar nga gjysma e fushës në ndeshjen ndaj Neë Orleans Pelicans.

Miami Heat ka fituar ndeshjen e së mërkurës ndaj Neë Orleans Pelicans me rezultat 113:98.

Kjo ndeshje ishte shumë e mirë për shikuesit, pasi kohe pas kohe kishte aksione brilante nga të dyja skuadrat.

Another W. pic.twitter.com/m21G4KPVoG

— Miami HEAT (@MiamiHEAT) November 18, 2021

Megjithatë, ai që ‘vodhi’ gjithë vëmendjen dhe ishte padyshim ‘aksioni i mbrëmjes’ ishte ai i Tyler Herro me Jimmy Butler.

Herro u përpoq t’ia pasonte bashkëlojtarit të tij nga gjysma e fushës një ‘alley-oop’, por pasimi i tij përfundon brenda koshit duke u llogaritur tre pikë.

Ne e dimë se Tyler Herro ka diapazon serioz dhe aftësi të mira shënimi nga distanca, por kjo nuk ishte as një goditje.

LOLOLOLOLOLOL pic.twitter.com/FvIbIkAuG2

— Miami HEAT (@MiamiHEAT) November 18, 2021

Ky moment shpejt është bërë viral në rrjetet sociale dhe të gjithë po flasin për të.

Butler përfundoi ndeshjen me ‘triple-double’ me 31 pikë, 10 kërcime dhe 10 asistime, ndërsa Herro e përfundoi me 19 pikë, nga to tre trepikësha. /Telegrafi/