Turqit e arratisur në Greqi, nesër para gjyqit

Një grup prej tetë oficerësh, të cilët pas përpjekjes për grusht shteti u arratisën nga Turqia me helikopter drejt Greqisë, sot janë dërguar në Prokurorinë e Aleksandropolit, dhe më pas janë transferuar në burg. Oficerët dezertorë janë dërguar me duar të lidhura në Prokurori.

Lexo po ashtu Gjithçka rreth puçit në Turqi

Pasi prokurorja Anna Nikitopulu ka lexuar akuzat kundër zyrtarëve të arrestuar, ata janë transferuar më pas në burgun Ferecek dhe nesër do të dalin para gjykatës penale.

“Kundër të gjithë ushtarëve janë drejtuar akuza për hyrje të paligjshme në Greqi. Ndërkohë, një person do të gjykohet për fluturim të paligjshëm në hapësirën greke, Shtatë të tjerë akuzohen për nxitje të fluturimit të paligjshëm”, tha avokati mbrojtës Menia Polihron.

Avokati ka theksuar se Prokuroria ka hequr dorë nga akuza e prishjes së marrëdhënieve miqësore mes dy vendeve dhe ka thënë se seanca e parë do të kryhet brenda 48 orëve.

Polihron gjithashtu tha se është e hapur mundësia që komplotistët të shkojnë në një vend tjetër, nëse nuk ju pranohet kërkesa për azil politik në Greqi.

Avokati mbrojtës i tyre ka pretenduar se ushtarët e larguar nga Turqia nuk kanë lidhje me tentativën për puç ushtarak dhe se janë detyruar të largohen pasi janë goditur ndërkohë që transportonin të lënduar, raporton Anadolu Agency.

Avokati nuk pranoi të bëjë të ditur identitetin dhe gradat e oficerëve të arrestuar.