Donald Trump tha se ka "edhe një punë për të bërë" kur bëhet fjalë për zgjidhjen e luftërave.
“Janë Rusia dhe Ukraina, dhe mendoj se do t’ia dalim, por ka rezultuar e keqe sepse ka dy udhëheqës që e urrejnë vërtet njëri-tjetrin”, tha ai.
"Ata e urrejnë njëri-tjetrin më shumë se çdo gjë tjetër, dhe kjo e bën paksa të vështirë."
Trump pyetet gjithashtu nëse mendon se Ukraina mund ta fitojë luftën.
"Nuk mendoj se do ta fitojnë, por prapëseprapë mund ta fitojnë, nuk thashë kurrë se do ta fitonin", tha ai.
"Thashë se mund të fitonin, çdo gjë mund të ndodhë. Lufta është një gjë shumë e çuditshme, ndodhin shumë gjëra të këqija."
Presidenti amerikan ndryshoi qëndrim disa javë më parë, duke sugjeruar në një takim të OKB-së në New York se Ukraina mund të rimarrë të gjithë territorin e saj - një qëndrim që ai nuk e kishte mbajtur kurrë më parë.
Voloydmyr Zelensky tha në atë kohë se komentet ishin një "ndryshim i madh" për udhëheqësin amerikan.
Trump e ashpërsoi qëndrimin e tij ndaj Rusisë pasi samiti i tij me Vladimir Putinin në Alaska nuk çoi në një përparim në paqe.
Megjithatë, javën e kaluar, Trump dhe Putin folën në telefon për herë të parë që nga ai takim. /Telegrafi/
