Trikotazhi në stilin e biznesit ka një vend të merituar
Kur arrin moti i ftohtë, këmishët dhe bluzat i zëvendësojmë me trikotazh të ngrohtë, të rehatshëm në të cilin mund ta përballojmë edhe të ftohtin më të madh.
Në momente të tilla përballeni me një pyetje të vështirë: si të përfshini trikotazhet në stilin tuaj të biznesit?
Ne ju zbulojmë mënyrat më të mira për stilizim dhe për t'u dukur përrallore në zyrë, transmeton Telegrafi.
Trikoja e zakonshme e bardhë apo e zezë mund të bartet nën xhaketë apo nën jelek të gjatë. Kur bëhet fjalë për stilin e biznesit, këtë triko mund ta konsideroni si zëvendësim me këmishën e bardhë klasike.
Fustanet
Fustani i thurur apo i punuar me grep është një zgjidhje e shkëlqyeshme për zyrë. Zgjidhni pëlhura me teksturë këtë sezon. Në mënyrë relative do të duken modelet me ngjyra: okër, ulliri, krem. Ju sugjerojmë që veshjen ta plotësoni me një jelek.
Trikot
Kombinimi i duhur do të jetë një triko e madhe e kombinuar me pantallona të gjera. Mirëpo, mos harroni të vëni pak theks te beli.
Ju gjithmonë mund të vishni pulovra të hollë mbi një këmishë. Në përgjithësi, kombinimi më i thjeshtë i "triko + pantallona klasike" do të jetë absolutisht i përshtatshëm për zyrën. Qëndroni në nuancat e qeta dhe nëse dëshironi, mund të zgjidhni ngjyra të ndezura për pjesën e poshtme të veshjes.
/Telegrafi/
