Tri formacionet e Van Gaal me Ronaldon te United (Foto)

Është raportuar se Cristiano Ronaldo është gati për t'u kthyer në Old Trafford dhe nëse këto raporte janë për t'u besuar, atëherë fansat e Manchester United do të ishin shumë të lumtur.

Real Madridi dhe Cristiano Ronaldo është gjithmonë një aventurë që po shkon drejt fundit, pasi thuhet se ylli 30-vjeçar është i pakënaqur me metodat stërviste të trajnerit të ri, Rafa Benitez.

Mendohet se ‘Djajtë e Kuq’, janë duke pritur largimin e Angel Di Marias dhe me ardhjet e mëdha financiare nga Adidas, ata do të hidhen seriozisht në sulm për yllin portugez.

Ronaldo ju bashkua gjiganteve spanjoll në vitin 2009 për një shumë atëherë rekorde, rreth 80 milionë funte. Ronaldo gjatë kohës te Real Madridit ka shënuar 313 gola në 300 paraqitje.
Trajneri i Unitedit, Louis van Gaal, ka bërë disa blerje të profilit të lartë, por ai dëshiron edhe nënshkrimin e një marrëveshje e cila do të rikthente super yllin portugez në Old Trafford.

Cristiano Ronaldo është një hero i vërtetë dhe një ikonë në "Teatrin e ëndrrave’, dhe pa dyshim ai do të mirëpritej me krahë hapur nga të gjithë tifozët e Unitedit, sepse të gjithë besojnë se ai ka ende për të dhënë në Premier Ligë me Manchester Unitedin.

Nëse ky transferim do të ndodhte, atëherë ekipi i Unitedit në mënyrë të pashmangshme do të ndërtohet rreth tri herë fituesit të Topit të Artë. Kështu, Telegrafi.com ju prezanton tri formacionet e mundshme që Van Gaal mund t’i përdorte për të marrë më të mirën nga Ronaldo.