Në kuadër të 29 shtatorit, “Ditës Kombëtare të Trashëgimisë Kulturore” dhe të “Ditëve Evropiane të Trashëgimisë Kulturore”, Muzeu Historik Kombëtar në Tiranë hap ekspozitën fotografike “Trashëgimia kulturore shqiptare në botë”.
Shumë objekte që kanë origjinën si dhe certifikatën e autorësisë në Shqipëri, sot ndodhen në muzetë e shteteve të ndryshme të botës. Fotografitë e objekteve të paraqitura në këtë ekspozitë sot gjenden në muzetë më të mëdha të botës, si në Londër, në Vjenë, në Paris, në Stamboll, në Janinë, në Athinë, në Nju-Jork, në Toronto etj.