Transformimi i paprecedent i Jennifer Lawrence-s

Pasi punësoi një stiliste të re, ajo vendosi të ndryshojë plotësisht

Jamie Mizrahi, gruaja që qëndron pas transformimit të fundit të Jennifer Lawrence-s, zbulon procesin e të menduarit pas stilit të saj të ri të lartë.

Që kur punësoi stilisten Jamie Mizrahi, Jennifer Lawrence ka bërë një ndryshim stili. Ky stil përshtatet më shumë dhe anon drejt modës së lartë, që mund të themi se i shkon shumë.

“Ekzistonte një vetëdije për të shtyrë gjithçka përpara në mënyra që ndiheshin të modës së lartë dhe të qëllimshme”, tha Mizrahi për The Hollywood Reporter në një intervistë të botuar para pak kohësh.

Çifti zyrtarisht nisën punën së bashku në vitin 2023. Partneriteti i tyre profesional rezultoi që Lawrence të bëhej mjeshtre e luksit të qetë dhe tani të ballinave të revistave të modës së lartë, transmeton Telegrafi.

Këto ditë, ndonëse nuk po zbukuron tapetin e kuq me një fustan elegant Dior, Lawrence mund të shihet duke ecur në rrugët e Nju Jorkut me pallto Row dhe pulovra luksoze prej kashmiri nga markat si Totem dhe Botega Veneta.

Mizrahi zbuloi disa nga dukjet e saj të preferuara me të cilat ka veshur aktorja 33-vjeçare gjatë vitit të kaluar.

“Pamja ime e preferuar ishte Jen në të kuqe Dior, në Kanë,” tha stilisti. “Më pëlqejnë gjithashtu veshjet e saj gri në rrugë me Rowe dhe Elsa Peretti”.

Jennifer Lawrence duket shumë elegante dhe moda e lartë nxjerr në pah bukurinë e saj natyrale në një mënyrë shumë të sofistikuar. Por nuk do të thoshim se ajo filloi të dukej kaq perfekte menjëherë. Jennifer ka qenë gjithmonë një mjeshtër e shijes së mirë. /Telegrafi/