Trajneri i Brightonit, Graham Potter ka folur për sulmuesin shqiptar, Andi Zeqiri, për të cilin ka thënë se është në planet e tij.
Sulmuesi nga Kosova, Andi Zeqiri u transferua në verë nga Loussane te Brighton dhe ky transferim u cilësua i madh.
Megjithatë, Zeqiri nuk ka arritur të debutojë ende me klubin nga Liga Premier, ndërsa vetëm së fundmi u grumbullua me ekipi në ndeshjen ndaj Tottenhamit.
Për lojën e tij dhe planet rreth Zeqirit ka folur trajneri i Brigtonit, Potter, i cili e ka vlerësuar lartë talentin e shqiptarit.
“Ai ka bërë një përshtypje vërtet pozitive. Është një lojtar sulmues që mund të luajë në shumë pozicione përtej vijës”, ka thënë fillimisht Potter.
“Reagimet e tij janë me të vërtetë të mira, ai është i drejtpërdrejtë dhe është gjithashtu i aftë teknikisht”.
“Personaliteti i tij na ka bërë vërtet përshtypje. Duket sikur ai e shijon futbollin e tij dhe ai luan me një buzëqeshje në fytyrë”.
“Ai luan me një entuziazëm të jashtëzakonshëm dhe mendoj se ai ka bërë një përshtypje vërtet të fortë”, përfundoi trajneri i Brightonit. /Telegrafi/
