Trajkoviq: Kanë filluar të vijnë kërcënime jo vetëm për mua, por edhe për fëmijët e mi – përgjegjësia bie mbi Vuçiqin

Politikania serbe nga Kosova, Rada Trajkoviq, përmes një postimi në mediat sociale ka thënë se kanë ardhur kërcënime dhe në drejtim të fëmijëve të saj.

“Një tjetër njoftim për publikun: që nga dje kanë ardhur kërcënime jo vetëm për mua, por edhe për fëmijët e mi”, ka shkruar ajo në Twitter, përcjell Telegrafi.

Sipas saj, vendndodhja e atyre që dërgonin kërcënimet është identifikuar.

Još jedno obaveštenje za javnost: od juče pretnje stižu ne samo meni već i mojoj deci.

Lokacija onih koje šalju pretnje je identifikovana.

Neka ovde bude zapisano: puna odgovornost za bezbednost moje porodice i mene je na @avucic @predsednikrs

— Rada Trajkovic (@trajkovic_rada) December 12, 2022

“Le të jetë e shkruar këtu: përgjegjësia e plotë për sigurinë e familjes sime dhe të vetes është Presidenti i Serbisë, Aleksandar Vuçiq”, ka shkruar më tej ajo.

Ndryshe, Trajkoviq së fundmi është emëruar nga kryeministri i Kosovës, Albin Kurti, si këshilltare e ministrit të sapoemëruar të Kosovës për Komunitete dhe Kthim, Nenad Rashiq.

Në një deklarim ditë më parë ajo kishte thënë se politika e Vuçiqit dhe (Milan) Radoiçiqit, nuk do të kenë ndikim në punën e saj dhe të Rashiqit dhe se një nga prioritetet e saj do të jetë ” thyerja e monopolit të Listës Serbe ndaj promovimit mental të serbëve”. /Telegrafi/