Traileri i dokumentarit për Diddy-n shpalos akuzat e rënda, avokatët reagojnë

Sean “Diddy” Combs është duke u përballur me reagime të ashpra pas publikimit të trailerit për dokumentarin e ardhshëm për të, ‘Diddy: The Making of a Bad Boy’, i cili do të shfaqet në Peacock më 14 janar.

Dokumentari përshkruan jetën e manjatit të muzikës dhe përfshin intervista nga njerëz të brendshëm të rrethit të tij, të cilët flasin për ngjarje të ndryshme, duke përfshirë akuza të rënda për abuzime dhe sjellje të papranueshme.

Avokatët e Diddy-t reaguan duke mohuar akuzat dhe i quajtën ato “të pabaza dhe shpifëse”, shkruan DailyMail.

Ata theksuan se shumë nga ata që intervistohen në dokumentar janë të paautorizuar dhe që versionet e tyre janë sensacionalizuar për të krijuar përshtypje të pavërteta.

Pjesë e dokumentarit janë gjithashtu Al B. Sure!, dhe dëshmitarë të tjerë, ndërsa gjithashtu përmenden edhe akuzat për abuzim seksual nga një ish-pjesëtare e grupit “Making the Band”.

Combs, 55 vjeç, është aktualisht në paraburgim federal në New York, i akuzuar për trafik seksual dhe sulme të tjera, akuza që ai i mohon.

Avokatët e tij insistojnë se ai meriton një proces të drejtë gjyqësor dhe se faktet do të dalin në dritë në gjykatë.

Dokumentari gjithashtu eksploron transformimin e tij nga Puffy në Diddy dhe ndikimet që e kanë formuar si person dhe si artist. /Telegrafi/