Totti ia siguron fitoren Romës në trilerin ndaj Sampdorias (Video)

Roma ka fituar 3-2 në shtëpi ndaj Sampdorias, në ndeshjen e cila u ndërpre për më shumë se një orë pas reshjeve të shiut.

Golin e parë në këtë takim e shënuan vendasit me Mohamed Salah, i cili shënoi në minutën e nëntë pas një asistimi të mirë të Diego Perottit.

Megjithatë, nuk shkoi shumë dhe mysafirët u kthyen në lojë me golin e sulmuesit të rrezikshëm Luis Muriel, i cili shënoi një supergol në minutën e 18-të.

Në vazhdim, Sampdoria gjithashtu gjeti edhe golin e epërsisë në minutën e 41-të me anë të sulmuesit tjetër, Fabio Quagliarella, i cili shënoi nga afërsia.

Me këtë gol edhe përfundoi pjesa e parë, por në pjesën e dytë skuadrat nuk dolën për më shumë se një orë, pasi reshjet e mëdha detyruan që ndeshja të ndërpritet përkohesisht.

Në pjesën e dytë, Roma hyri më serioze dhe më e rrezikshme dhe këtë e treguan dy zëvendësimet e bëra në minutën e 46-të, ku hynë në lojë kapiteni Francesco Totti dhe Edin Dzeko.

Këto zëvendësime dolën të jenë të suksesshme, pasi kjo dyshe dhuruan golin e barazimit në minutën e 61-të, ku Totti dhuroi një super-asist të cilin Dzeko e konkretizoi me një supergol.

Pas këtij goli, Roma u hodh në sulm për të gjetur golin e fitores dhe këtë e arriti fare në fund, kur heroi i tyre, Totti shënoi nga penalltia në minutën e 92-të. /Telegrafi/

https://www.youtube.com/watch?v=3B11CxAy6U4

https://www.youtube.com/watch?v=JEXDMykL32s

https://www.youtube.com/watch?v=0CNXqZHF6ZU

https://www.youtube.com/watch?v=qFPd_HRVmTs

https://www.youtube.com/watch?v=cvbiceqkAn0