Toshkovski për procedim ndaj personave që janë në listën e zezë: Kërkoj durim nga opinioni në vend

Ministri i Punëve të Brendshme, Pançe Toshkovski sot kërkoi durim nga opinionit në vend lidhure me atë nëse Shkupi i ka edhe dëshmitë që ka Uashingtoni për ish-zëvendëskryeministrin Artan Grubi dhe gjyqtarin Enver Bexheti, të cilët janë në listën e zezë për korrupsion.

“Është e njohur për opinionin që unë nuk spekuloj asnjëherë dhe asnjëherë nuk i zbuloj opinionit informacione të papërshtatshme në kuadër të të gjitha veprimeve që janë në kompetencë të Ministrisë së Brendshme. Për momentin do të kërkoja durim nga opinioni në vend në këtë pjesë”, tha Toshkovski.

Duke iu përgjigjur pyetjes lidhur me rritjen e sigurisë së institucioneve shtetërore në Shkup, Toshkovski tha se nga aspekti i sigurisë gjendja është stabile.

“Ne veprojmë si gjithmonë në drejtim të kompetencave tona. Ne besojmë se veprimi parandalues ​​është në nivelin e duhur, sikurse veprimi represiv është në nivelin e duhur në fushën e kompetencës së MPB-së”, tha ai.

Toshkovski ka falënderuar policinë dhe tha se në shpinën e tyre qëndron siguria e vendit./Telegrafi/