Tmerr në Kumanovë: ”Unë jam inspektor, më jep 20 mijë euro për ta liruar djalin nga burgu”

Një tetovar e ka gënjyer një qytetar të Kumanovës duke i marrë 20.000 euro me premtimin se do të ia liroj djalin nga burgu, pasi i është prezentuar si inspektor, shkruan Telegrafi Maqedoni.

Qytetari nga Kumanova së bashku me vajzën dhe gruan e tij janë takuar në një kafe në Saraj me të dyshuarin për mashtrim. I njejti i jua është prezentuar si inspektor policie nga Sektori për Punë të Brendshme në Tetovë.

”Inspektori” ka thënë se mund ta rregulloj këtë punë pasi kam shokët brenda në gjykata dhe në burg. Ndërkohë i është paraqitur një avokati të rremë duke e pyetur se sa para duhen për ta liruar nga burgu.

Për ta liruar djalin nga burgu, familja i ka dorëzuar 20.000 euro ”inspektorit”.

Kur kanë shkuar tek djali në burg për vizitë, ai ju ka thënë se asnjë avokat nuk ka ardhur ta vizitoj.

Pas kësaj, ata janë munduar që ta kërkojnë në telefon ”inspektorin” por i njejti nuk ka qenë i pakapshëm. I njejti është paraqitur në telefon më vonë dhe ka kërkuar ende para por rastin familja e ka paraqitur në polici./Telegrafi/