Tifozëve të Anglisë u kërkohet të mos udhëtojnë në Romë mes frikës së variantit Delta të coronavirusit

Ministrja e qeverisë së Britanisë së Madhe, Anne-Marie Trevelyan u bëri thirrje tifozëve të Anglisë të mos udhëtojnë në Romë mes frikës së variantit Delta.

Anglia do të përballet me Ukrainën në çerekfinale e Euro 2020 të shtunën mbrëma në kryeqytetin e Italisë, Romë.

Sidoqoftë, Britania e Madhe është në listën e kuqe të Italisë për COVID-19 dhe një karantinë e detyrueshme pesë-ditore për udhëtarët nga Anglia u vendos më 18 qershor.

Lexo po ashtu Konfirmohen tetë çerekfinalistët e Euro 2020, zbulohet orari

Ministrja e qeverisë Anne-Marie Trevelyan paralajmëroi tifozët e Anglisë që “të shikojnë nga shtëpia dhe të brohorasin ekipin sa më fort që të munden”.

“Padyshim që është shumë e vështirë të mos buzëqeshësh vetëm për të parë të gjithë ata flamuj të mrekullueshëm duke valëvitur, kjo thjesht të bën kaq krenar që ekipi ynë po bën kaq mirë”.

“Por me të vërtetë, kërkesa është të shikosh nga shtëpia dhe të brohorasësh ekipin sa më fort që të mundesh”, ka thënë Trevelyan për Sky News.

Lexo po ashtu Boris Johnson e përjeton fitoren e Anglisë në mënyrë të veçantë

Federata e Futbollit konfirmoi të martën se nuk do të shiste bileta për ‘Grupin e tifozëve udhëtues të Anglisë”.

Prandaj, lojtarët anglezë do të mbështeten te banorët në Itali të cilët do të kenë mundësinë të blejnë një biletë për ndeshjen, ndërsa ata që udhëtojnë nga Britania e Madhe nuk do të jenë në gjendje të shkojnë në stadium për shkak të kufizimeve të vendosura nga Italia. /Telegrafi/