Tifozët e Liverpoolit janë të bindur se top ylli do të largohet nga ekipi shkaku i Arne Slot

Tifozët e Liverpoolit kanë frikë se një lojtar do të largohet nga klubi pasi kanë parë ekipin e përzgjedhur të Arne Slot për ndeshjen e tyre në Ligën e Kampionëve kundër Girona.

Reds janë skuadra e vetme me një rekord perfekt në Ligën e Kampionëve këtë sezon, duke fituar gjashtë ndeshjet e tyre deri më tani.

Liverpooli triumfoi 1-0 në udhëtim te Girona falë një penalltie të realizuar nga Mohamed Salah.

Me të parë formacionin e ekipit, tifozët kishin ndjenja të përziera për një ndryshim të madh nga ai ekip fitues.

Alisson është rikthyer nga lëndimi dhe është kthyer direkt në formacionin fillestar, me Caoimhin Kelleher që mbeti në stol.

Lexo po ashtu Liverpoolit i mjafton Mo Salah – vazhdon ecuria perfekte e Arne Slot në Champions

Braziliani humbi 11 ndeshje pasi pësoi një lëndim në muskul në tetor.

Kelleher ka zëvendësuar në mungesë të tij dhe ka realizuar disa pritje të rëndësishme, duke përfshirë një penallti të Kylian Mbappes në fitoren ndaj Real Madridit.

Kelleher do ta kishte zgjatur ecurinë e tij në ekipin e Liverpoolit në 12 ndeshje në derbin Merseyside të së shtunës, por ndeshja u shty për shkak të shqetësimeve të sigurisë në lidhje me Stuhinë Darragh në veriperëndim.

Alisson nuk u konsiderua i gatshëm për atë ndeshje, por u deklarua plotësisht i aftë përpara ndeshjes me Gironan dhe këtë mbrëmje u përfshi në formacionin fillestar për të bërë vetëm paraqitjen e tij të dytë në Ligën e Kampionëve këtë sezon. /Telegrafi/