Thënie të urta polake: Zoti paguan, por jo me rrogë javore!

• Pasanikët ngushëllohen me pasuri, ndërsa të varfrit me fëmijë.

• Aty ku mbaron ligji, fillon tirania.

• Bota është e madhe, por gjendet shumë pak vend në të.

• Doktori kërkon taksën e tij, pavarësisht se ai ka vrarë sëmundjen apo të sëmurin.

• E para gjë që gratë dinë, është që janë të bukura; e para gjë që mësojnë është se janë shumë të forta; e para gjë që kuptojnë kur vihen në provë, është se janë të brishta; e para gjë që harrojnë është se do plaken; dhe, e para gjë për të cilën kujtohen, është se e kishin harruar këtë gjë.

• E puthura e ëmbël, e puthura e artë, e puthur e nxehtë, zemër e djegur.

• Gruaja qan para dasmës, kurse burri pas saj.

• Kundërshtari forcohet shumë nga ofendimi që i bëhet.

• Literatura lind nga thellësia e shpirtit të popullit.

• Me njerëzillëk arrin më shumë se me forcë.

• Më mirë është të mos kesh asnjë doktor sesa tre.

• Miku sheh në një orë më shumë se i zoti i shtëpisë në një vit.

• Nëse nuk mund të themi të drejtën, s’do të thotë se duhet të gënjejmë.

• Në të vërtetë, fuqia e sunduesit është forca e atyre që ia lejojnë sundimin.

• Nëse në art nuk ka atdhe, tek artisti ai duhet të jetë.

• Një lypës nuk e urren lypësin tjetër aq shumë sa një doktor e urren një doktor tjetër.

• Njohuritë më të larta të filozofisë mund të shprehen mirë në gjuhë të popullit.

• Ofendohet lehtë ai që është shumë i kënaqur me veten.

• Për të besuar saktë, duhet filluar nga dyshimi.

• Të drejtuara keq, politika, feja dhe nacionalizmi ngadalësojnë ecjen përpara.

• Politika nuk mund të mos ketë sadopak dhe një bazë morale.

• Që të jetojë një komb, duhet të jetojë drejtësia dhe e drejta.

• Sa më tepër flasim për dinjitetin tonë, më pak na besojnë.

• S’është budalla ai që mendon budallallëqe, por ai që flet e bën gjëra të tilla.

• Sharja dhe zhargoni, armë e të ultëve.

• Vitet dinë më shumë se librat.

• Zoti paguan, por jo me rrogë javore. /Ekonomia Online/