Themeluan 3,600 ndërmarrje fiktive në Francë, morën ndihma prej 12 milionë eurove – Europoli arreston gjashtë persona

Policia franceze dhe izraelite arrestuan më 16 qershor anëtarët e një grupi të krimit të organizuar që kryen një seri mashtrimesh në të dy anët e Mesdheut. Një total prej gjashtë personash u arrestuan të cilët ishin në pjesë të ndryshme të Francës.

Autoritetet thonë se grupi krijoi 3,600 kompani fiktive dhe mashtroi shtetin prej 12 milionë eurosh në përfitimet gjatë pandemisë.

I dyshuari kryesor, një qytetar 30-vjeçar francezo-izraelit dhe gruaja e tij u arrestuan në Replonges pranë kufirit zviceran ndërsa përpiqeshin të arratiseshin për në Gjenevë, nga ku më pas kishin planifikuar të fluturonin për në Tel Aviv, njofton europoli.

Një orë më vonë, policia bastisi disa adresa nëpër Paris dhe arrestoi anëtarët e tjerë të grupit. Duke vepruar kështu, ajo gjeti një shumë të madhe parash (1,765,630 euro dhe 3,420 dollarë) që ishte fshehur në një parking privat dhe ishte në çanta të papërshkueshme nga uji. Një çantë me tre orë luksoze me vlerë 230 mijë euro dhe bizhuteri me vlerë 30 mijë euro u gjetën gjithashtu në të njëjtin vend.

Autoritetet franceze gjetën gjithashtu më shumë se 6.2 milionë euro nga llogaritë bankare në pronësi të grupit kriminal. /Telegrafi/