Thaçi: Të eliminohet vjedhja e votave dhe falsifikimi i rezultateve

Kryetari i PDSH-së Menduh Thaçi sot në selinë e partisë realizoi takim me Ambasadorin e Mbretërisë së Holandës në vend, Wouter Plomp për të biseduar rreth zgjedhjeve në Maqedoni dhe krizën politike, njofton Telegrafi Maqedoni.

”Prioriteti i PDSH-së në tërë këtë proces ka qenë dhe vazhdon të jetë organizimi i zgjedhjeve të lira dhe demokratike kurdo qoftë që të mbahen ato, me të vetmin qëllim eliminimin e parregullsive të deritanishme siç janë vjedhja e votave dhe falsifikimi i rezultateve. Çështja e mosrealizimit të të drejtave të shqiptarëve akoma nuk është pjesë e dialogut dhe kjo vazhdon të jetë shqetësimi kryesor i Partisë Demokratike Shqiptare.”

Thaçi e siguroi Ambasadorin Plomp se Partia Demokratike Shqiptare do të vazhdojë të jetë pjesë e proceseve demokratike dhe perspektivës euro-atlantike të vendit dhe se do veprojë fuqishëm për ta ndryshuar këtë situatë të rëndë në Maqedoni.

”Ambasadori i Mbretërisë së Holandës, Wouter Plomp theksoi se vendi i tij përkrah zbatimin e plotë të reformave në vend si dhe vlerësoi lartë përpjekjet e PDSH-së në këtë drejtim.” thonë nga shërbimi për informim i PDSH-së./Telegrafi/