Thaçi flet për letrën që ia dërgoi sekretarit Pompeo për Gjykatën Speciale: Është e qartë, e qëndrueshme dhe shumë e saktë

Presidenti i Kosovës, Hashim Thaçi ka bërë homazhe tek varrezat e familjes Jashari në Prekaz.

Pas homazheve, presidenti u pyet nga gazetarët rreth letrës që i ka dërguar Skretarit amerikan të shtetit, Mike Pompeo.

Presidenti dha një deklaratë të shkurtë duke thënë se letra është e qartë.

“Është letër e qartë, e qëndrueshme dhe shumë e saktë”, u shpreh Thaçi.

Në letrën që Pompeo i ka kthyer Thaçit, citohet t’i ketë treguar për pasojat që do t’i vuante Kosova nëse e pengon punën e Gjykatës Speciale.

Presidenti i Kosovës, Hashim Thaci, muaj më parë i kishte dërguar një letër Sekretarit të Shtetit amerikan, Mike Pompeo. Në këtë letër në asnjë vend nuk thuhet se Presidenti Thaçi kërkon zhbërjen e Gjykatës Speciale.

Qëllimi kryesor i kësaj letre, ka qenë që Gjykata mos të jetë monoetnike, por t’i gjykojë edhe krimet serbe, rreth 400 masakra në Kosovë etj.

“Është zhgënjyes fakti që Zyra e Prokurorit Special ka dedikuar burimet e veta të shumta për ta hetuar vetëm një grup etnik, pra vetëm kundër shqiptarëve të Kosovës, gjë që dëmton në themel kredibilitetin dhe legjitimitetin e procesit”, ka shkruar Thaçi në letrën dërguar Pompeos, të cilën e ka sigruar Telegrafi.

/Telegrafi/