Tevdovski: Gazifikimi dhe Klinika do të presin

Ministri i Financave, Dragan Tevdovski në konferencën për shtyp të qeverisë shpjegoi ribalancin e buxhetit të propozuar për vitin 2018 të paraqitur në Kuvend dhe tha se arsyeja kryesore për ribalancimin është vendimi i mundshëm për zgjedhjet e parakohshme parlamentare, gjë që do të parandalonte procedurën për rishkrimin e arkës së shtetit, përcjell Telegrafi Maqedoni.

“Me paratë nga ribalanci i buxhetit, do të mbështetën financiarisht komunat në vend, Agjencia e Punësimit, Fondi i Sigurimit Shëndetësore dhe Fondi Pensional. Mjetet nga ribalanci më shumë janë shpërndarë në komunat, për shlyerjen e boxheve”, tha Tevdovski.

Paratë e siguruara për gazifikimin dhe ndërtimin e Qendrës Klinike në Shkup, me ribalancimin e buxhetit të miratuar nga Qeveria do të transferohen në objekte të tjera. Tevdovski tha se ribalancimi bën rialokimin e fondeve në mesin e përdoruesve të buxhetit, domethënë fondet shtesë janë alokuar për pagesën e borxheve që kanë kanë komunat dhe sistemin e kujdesit shëndetësor.

“Zvogëlimi i shpenzimeve kapitale është në ato me ritme më të ngadalta realizimi, dhe këto janë kryesisht projekte të financuara nga huat. Rënia e shpenzimeve kapitale është 5.66 miliardë denarë, nga të cilat 1.67 miliardë denarë janë nga buxheti dhe 3.9 miliardë denarë janë nga kreditë. Ndër investimet më të mëdha kapitale janë gazifikimi dhe qendra klinike e anuluar, siç u kam thënë atyre me dinamikë më të ngadalshme realizimi”, tha Tevdovski.

Ai tha se me ribalancimin e buxhetit 2018, për të cilën duhet të votohet në Kuvend, ku të ardhurat reduktohen me një miliard denarë dhe shpenzimet për 1.2 miliardë denarë./Telegrafi/