Tërheqja vertikale e peshës përmes litarit në “lat machine”

Ushtrimi ka për qëllim zhvillimin dhe zgjerimin e muskujve të shpinës edhe atë të pjesës së epërme.

Idriz Humolli
www.fitness-prishtina.com

Shufra e cila kapët në gjerësi më të madhe se gjerësia e krahëve tërhiqet deri sa të mos preket pjesa e prapme e qafës.

Për stimulimin dhe zhvillimin më të madh të pjesës së poshtme të së shpinës, shufra me rastin e tërheqjes, duhet prekur pjesën e epërme të gjoksit.

Sipas variantit të parë gjatë veprimit shpina duhet të qëndrojë drejtë ndërsa koka të lakohet përpara, kurse sipas variantit të dytë, trupi duhet të lakohet pak mbrapa (në rast të lakimit të tepërt të shpinës mbrapa zvogëlohet efekti i ushtrimit).

Kjo mënyrë e ekzekutimit të ushtrimit fuqishëm stimulon zhvillimin dhe rritjen e muskujve të shpinës, ndërsa shumë më pak ngarkon muskujt e duarve (bicepsëve).

Variacioni i ushtrimit – ekzekutimi mund të bëhet duke tërhequr peshën përmes dorëzës speciale me mbajtjen e duarve në pozitën paralele. Ngritja sipas kësaj variante bëhet deri në pozitën e pjesës së poshtme të gjoksit.

Sikurse tek varianti i dytë ashtu edhe te varianti i tretë i ekzekutimit, veprimi i duarve gjatë tërë lëvizjeve duhet të përcillet drejtpërdrejtë ose përmes pasqyrës.

Gjatë tërheqjes së peshës merret fryma, ndërsa me rastin e shtrirjes së plotë të duarve fryma nxirret. /Telegrafi/