Terabitët në një inç

Seagate Technology raporton për avancimin e ri të teknologjisë, i cili në vitet në vijim do të duhej në masë të madhe të rit kapacitetin e disqeve.

Kompania ka arritur dendësinë e shkrimit të të dhënave prej një terabiti për një inç katror me përdorimin e teknologjisë heat-assisted magnetic recording (HAMR), teknologji kjo e ardhshme e shkrimit të të dhënave dhe pasuese e teknologjisë aktuale PMR.

Kapaciteti i zakonshëm i disqeve aktuale 3.5-inçësh shkon deri në 3 GB (640 Gb për një inç katrorë), derisa gjenerata e parë e teknologjisë HAMR mund të dyfishonte kapacitetin – Seagate thekson disqet 6-terabajtësh në formatin 3.5-inç dhe disqet 2-terabajtësh për portativët. Dendësia teorike e shkrimit të teknologjisë së re është në mes 5 dhe 10 terabit për një inç katrorë, që në të ardhmen e afërme mund të rezultonte me disqet 3.5-inçësh me kapacitetin deri në 60 TB, dhe modelet 2.5-inçësh deri në 20 TB.

Seagate thekson se ende bëhet fjalë për një teknologji në zhvillim e sipër, kështu që deri te zgjidhjet e gatshme në kapacitetet e përmendur në treg mund të priten kah fundi i dekadës. /Telegrafi/