Tenisti më i pasur në histori vjen nga Rumania: Ai ka 35 fëmijë dhe ka fituar vetëm një titull

Rafael Nadal gjatë ditëve të kaluara e fitoi titullin e 12 në karrierë në Roland Garros, ku gjithashtu arkëtoi një shtesë prej 2.25 milionëve, ku tani llogaritet se ka pasur prej 160 milionë eurove.

Por, tenisti më i pasur aktiv është zvicerani, Roger Federer që vlerësohet se ka pasuri prej 400 milionë eurove.

Sidoqoftë, edhe po t’i bashkojnë pasuritë e tyre të gjithë lojtarët aktiv të tenisit, ata nuk mund t’i vijnë as afër lojtarit më të pasur të tenisit në histori.

Ky është Ion Tiriac, një ish- tenisit rumun, i cili kishte karrierë mesatare, por pa marrë parasysh kësaj, ai zotëron një pasuri prej rreth një miliardë e gjysmë eurove.

Sigurisht, pasurinë nuk e krijoj nga tenisi pasi që gjatë gjithë karrierës triumfoi vetëm në një turne dyshe.

Pas përfundimit të karrierës u bë menaxher, ku kishte nën administrim lojtar si Boris Becker, Steffi Graff, por Marat Safin dhe Goran Ivanisheviq.

Ai ishte ndër të parët që e ndjeu rënien e murit të Berlinit dhe u bë përfaqësues i Mercedesit për Rumani, pastaj u bë udhëheqës i një shoqërie të sigurimit, një bankë private, gjersa gjithashtu është pronar i linjës ajrore dhe agjencive të udhëtimit.

Sot, ai punëson 20 mijë vetë dhe, me 80 vjet të rënda në shpinë, po jeton jetën në Monte Carlo me tre fëmijë që i kishte marrë prej martesës. Përveç tre fëmijëve të përmendur, ai ka të paktën 32 fëmijë nga lidhjet jashtëmartesore.

Ai kujdeset për secilin prej tyre, por gjithashtu rreth 300 fëmijëve të braktisur që u ka ndërtuar një shtëpi të madhe në Brasov. /Telegrafi/