A do të rriten çmimet e veturave pas ‘kërcënimeve’ tarifore të Trumpit?

Tom Maoli, pronar i një përfaqësie veturash të reja dhe të përdorura në New Jersey, tha se shoferët mund të shohin një rritje të madhe të çmimeve nëse presidenti Donald Trump ndjek kërcënimin e tij për të vendosur tarifa 25% ndaj Meksikës dhe Kanadasë.

“Çdo tregtar do të rrisë çmimet e veturave”, tha Maoli.

“Pjesë vijnë nga e gjithë bota”, shtoi ai.

Çmimi mesatar i një automjeti të ri pasagjerësh në SHBA në dhjetor ishte 49,740 dollarë, sipas Kelly Blue Blook.

Ndërsa Maoli spekulon se nëse zbatohen tarifat, çmimet për veturat e reja mund të rriten diku nga 5% në deri në 15%.

Me çmime më të larta për veturat e reja, çmimet për automjetet e përdorura do të rriteshin gjithashtu për shkak të rritjes së kërkesës, përcjell Telegrafi.

Bëhet e ditur se disa nga markat më të mëdha të veturave, duke përfshirë Ford, General Motors dhe Stellantis, kanë fabrika në Meksikë dhe Kanada.

Dhe sipas Maoli, më shumë se gjysma e pjesëve – të tilla si bateritë dhe komponentët motorikë – për veturat e montuara në fabrikat e prodhimit në SHBA janë me burim diku tjetër dhe gjithashtu mund të goditen me tarifa, veçanërisht me presidentin që propozon tarifa të reja edhe për Kinën.

“Unë mendoj se prodhuesi nuk ka zgjidhje tjetër veçse t’ia kalojë atë konsumatorit, sepse ata duhet të fitojnë”, tha Maoli.

Por kjo nuk është e gjitha. Kostot e riparimit gjithashtu mund të rriten.

“Këto frena vijnë nga Kina”, tha Maoli.

“Disa prej tyre vijnë nga Meksika. Dhe çmimi i tyre mund të rritet deri në 20%”, shtoi amerikani.

Kjo do të thotë që edhe nëse shoferët zgjedhin të mbajnë automjetin e tyre aktual në vend që të blejnë një të ri, ata ende mund të ndikohen.

Ndryshe, tarifat mund të nxisin prodhuesit të krijojë vende pune në SHBA, por kjo nuk është diçka që kompanitë mund ta bëjnë brenda natës. /Telegrafi/