Do të publikohet libri i radhës për “Game of Thrones”

Një lajm i mirë për të gjithë fansat e Game of Thrones, të paktën për ata që veç serive televizive kanë lexuar edhe pesë librat e George RR Martin.

Libri i fundit, “Erërat e Dimrit” (Winds of Winter), i shtyrë disa herë, ka më në fund një datë publikimi.

Përfaqësia franceze e Amazon ka publikuar, ndoshta edhe pa dashje, se novela e gjashtë e serive të famshme do të publikohet në muajin mars. Ky është një konfirmim gjysmëzyrtar dhe i pakonfirmuar nga vetë autori dhe nuk është çudi që kjo datë të shtyhet sërish, transmeton Top Channel.

Lexo po ashtu Merret vesh kur përfundon “Game of Thrones”

“Ja ku jam, 20 vite më pas duke punuar për librin e gjashtë dhe…më vjen keq, nuk kam asnjë lajm për të dhënë”, shkruan vetë Martin në blogun personal, duke iu përgjigjur edhe interesimit se kur do të përfundojë libri.

Libri i parë i serive të George RR Martin doli në vitin 1996, i titulluar “Lufta e shpatave” (Game of Thrones), i dyti në vitin 1998 “Një përballje mbretërish (A clash of Kings), i treti në vitin 200, “Stuhi shpatash) i katërti në vitin 2005, “Gostia e korbit” (A feast for Crows), i pesti në vitin 2011 “Një këngë akulli dhe zjarri” (A song of ice and fire).