Autoritetet shëndetësore libaneze thonë se të paktën tetë persona janë vrarë dhe 59 janë plagosur në një sulm izraelit në Bejrut - sulmi i parë i tillë në kryeqytetin libanez.
Ministria e Shëndetësisë nuk dha detaje mbi identitetin e viktimave, raporton skynews.
Kryeministri libanez, Najib Mikati tha se sulmi tregon se Izraeli "nuk i jep asnjë rëndësi asnjë konsiderate humanitare, ligjore apo morale".
Sulmi në periferitë e Bejrutit kishte për shënjestër një figurë të lartë të Hezbollahut.
Bëhet fjalë për komandantin e operacioneve të grupit militant, Ibrahim Aqil, thanë për reuters dy burime të sigurisë në Liban.
Ndryshe, agjencitë e lajmeve ndërkombëtare nuk kanë arritur të konfirmojnë nëse është vrarë apo jo komandanti libanez. /Telegrafi/
