Të gjithë tashmë e dinë hitin “Maybach”, Liri premton sezon veror të ngjeshur me koncerte

Teksa atmosfera ngrohet për stinën e verës, këngëtari i ri i shumë pëlqyer Liri Tahiri ka premtuar një sezon të mbushur me energji dhe muzikë që do të trondisin skenat e koncerteve.

Ai ka lënë të kuptohet se do të ketë një sërë performancash të gjalla nëpër gjithë vendin, duke zhvendosur festën nga qyteti në qytet.

Në një postim të fundit në InstaStory, Liri ka ndarë disa imazhe mbresëlënëse nga koncerti i tij i fundit në Prishtinë, ku shihet një publik plot me fansa të etur për muzikën e tij.

Në videon e postuar, tërësia e audiencës është kapur duke kënduar me zë të lartë bashkë me këngëtarin hitin e tij të njohur “Maybach”.

Performanca e jashtëzakonshme dhe atmosfera elektrizuese janë dëshmi e lidhjes së fortë që Liri ka ndërtuar me ndjekësit e tij, një fakt që ai e konsideron si burimin kryesor të frymëzimit dhe energjisë së tij skenike.

“Kështu e keni gjithë verën,” shkruan ai në mbishkrimin e videos, duke bërë një premtim zyrtar për një sezon plot riteme që do të mbahen mend. /Telegrafi/