Tash e dy muaj rruga e prishur në lagjen "Mati 1", nëna detyrohet ta bartë fëmijën bashkë me karrocë

Banorët e lagjes "Mati 1" tash e dy muaj janë duke u përballur me probleme për shkak të një rruge e cila është e dëmtuar, kështu duke ua vështirësuar kalimin qytetarëve.

Në disa video që kanë arritur në redaksinë e Telegrafit shihet se si qytetarët kanë vështirësi gjatë kalimit të asaj rruge, ndërsa një moment shihet edhe një grua e cila detyrohet ta bartë fëmijën bashkë me karrocë, për shkak të prishjeve që janë bërë.

Qytetarët kanë deklaruar se rruga tash e dy muaj është e dëmtuar dhe Komuna e Prishtinës nuk ka ndërmarrë asnjë veprim për rregullimin e kësaj rruge./Telegrafi/