Taravari thirrje RMV-së dhe Francës: Të kundërshtohet emërimin e mundshëm të Viktor Dimovskit për ambasador

Udhëheqësi i detyrës kryetar i aleancës për shqiptaret sot në një press konferencë për shtyp ka kundërshtuar emërimin e mundshëm të Viktor Dimovskit si ambasador në Francë. Ata cilësojnë se Dimovski ka gisht në shumë punë jo të mira të cilat janë vepruar në Maqedoninë e Veriut dhe për të cilat vendi ynë siç tha Taravari po vuan pasojat. AI i ka bërë thirrje Presidentit të shtetit, Qeverisë së vendit tonë por edhe udhëheqësisë së shtetit Francës që të refuzojnë një veprim të tillë.

Kemi thirrur këtë konferencë për shtyp për të shprehur mospajtimin tonë ndaj dërgimit të mundshëm të Viktor Dimovskit si ambasador në Francë.

Sipas informatave që kemi, Dimovski më herët ka marrë agremanin nga autoritetet franceze, por dërgimi i tij në Paris është zvarritur për shkak të kalkulimeve brenda koalicinionit qeveritar për zëvendësimin e tij në krye të Agjencisë për Siguri Nacionale.

Natyrisht, procedura për dekretimin e tij ka marrë një dimension tjetër pas plasjes së skandalit Onishçenk, në qendër të së cilit gjindet Dimovski. Siç e kemi thënë edhe më herët, skandali Onishçenko ka rrezikuar drejtpërdrejt sigurinë nacionale dhe ka minuar regjimin e sanksioneve të SHBA-së dhe politikën e jashtme të BE-së.

Vlerësoj se Viktor Dimovski është kandidat i papërshtatshëm dhe i padenjë për të ushtruar funksione diplomatike dhe përfaqësuar vendin, edhe atë, për shumë arsye.

E kaluara e Dimovskit ngre shqetësime kur bëhet fjalë për lidhjet e tij të ngushta me Serbinë, të theksuara nga partnerët tonë amerikanë dhe tanimë të njohura edhe nga publiku.