Takim Xhaferi – Glavchev

Sot, kryetari i Kuvendit të RM-së, Talat Xhaferi, realizoi takim me kryetarin e Kuvendit Popullor të Bullgarisë, Dimitar Glavchev, përcjell Telegrafi Maqedoni.

Xhaferi tha se ka ardhur çasti i duhur për hapjen e një faqe të re në marrëdhëniet ndëmjet dy vendeve, dhe njëkohësisht shprehu falënderime për përkrahjen që e jep Republika e Bullgarisë për synimet euro-atlantike të Republikës së Maqedonisë. Ai poashtu përshëndeti bashkëpunimin e shkëlqyer që kanë pasur gjatë të gjitha mandateve kryetarët dhe deputetët e Kuvendeve të dy shteteve dhe se pret që ky bashkëpunim të intensifikohet pas nënshkrimit të Marrëveshjes fqinjësi të mirë dhe bashkëpunim.

Edhe Glavchev dha vlerësim pozitiv për këtë Marrëveshje duke thënë se ajo hop horizonte të reja për bashkëpunim më të ngushtë në të gjitha fushat, përfshirë këtu edhe Kuvendet e dy shteteve në nivel të komisioneve dhe grupeve të bashkëpunimit, dhe tha se Kuvendi Popullor i Bullgarisë do ta japë mbështetjen e saj duke ratifikuar marrëveshjen./Telegrafi/