Në kampin e Gjevgjelisë, përgjatë kufirit me Greqinë dhe atë në Tabanoc, përgjatë kufirit me Serbinë për më shumë se katër muaj rreth 200 migrantë nga Siria, Afganistani dhe Iraku presin me shpresë që t`u mundësohet të vazhdojnë rrugën drejt vendeve të Bashkimit Evropian, njofton REL.
Një nga ta është dhe Muhamedi 55-vjeçar, i cili bashkë me të shoqen dhe vajzën, thotë se për çdo ditë zgjohet me shpresë që të ndodhë mrekullia dhe t’i lejohet të shkojë në Gjermani ku i kanë shkuar dy vjet më parë dy djemtë e tij.
“Për katër muaj kemi ngecur në këtë vend. Destinacion yni s`ka qenë asnjëherë Maqedonia, andaj kam refuzuar të kërkoj azil në Maqedoni. Nuk mund të kthehem as në Siri, sepse atje tashmë s`më ka mbetur asgjë, as shtëpi, as punë, e as ajo që është më e rëndësishmja, familje”.
“Pres të ndodhë mrekullia dhe të na lejohet të vazhdojmë rrugën drejt Gjermanisë, ku kam dhe dy djemtë, të cilët për dy vjet ndodhen atje dhe tashmë kanë filluar të vazhdojnë studimet”, thotë Muhamedi.
Jasmin Rexhepi nga organizata humanitare “LEGIS” thotë se sipas marrëveshjes ndërmjet Bashkimit Evropian dhe Turqisë, për bashkimin e familjeve, refugjatët të cilët ndodhen në vendet anëtare të BE-së,u mundësohet bashkimi familjar, por jo edhe ata të cilët ndodhen në vendet që nuk janë anëtare të BE-së siç është Maqedonia.
“Disa migrantë, të cilët ndodhen në Maqedoni, nëpërmjet Ambasadës Gjermane në Shkup, kanë kërkuar që t’u mundësohet të shkojnë në Gjermani ku e kanë pjesën tjetër të familjes, por nga ambasada janë përgjigjur se një gjë e tillë mund të bëhet vetëm pasi ata të jenë kthyer në Greqi, shtet ky që është anëtar i BE-së dhe nga atje të thirren në mundësinë e bashkimit familjar. Por, gjithsesi, kjo nuk paraqet garanci migrantët do të marrin përgjigje pozitive, andaj ata kanë mbetur sipas asaj thënies popullore ‘as në tokë e as në qiell’ “, shpjegon Rexhepi.
Komiteti i Helsinkit në Shkup gjatë kësaj jave ka njoftuar se rreth 1300 migrantë ilegalisht e kanë kaluar kufirin me Serbinë dhe janë nisur drejt vendeve të BE-së, ndërkohë që në kampin e Gjevgjelisë dërgohen të gjithë ata migrantë të cilët përmes rrugëve ilegale depërtojnë në Maqedoni nga Greqia dhe më pas kthehen në këtë shtet.
Kampi i Tabanocit përgjatë vijës kufitare me Serbinë, i cili ka kapacitet për të pranuar një mijë migrantë të dielën dukej pothuajse i boshatisur.
“Për momentin në kampin transitues të Tabanocit ndodhen 71 migrantë. Kjo pjesë e mbetur e migrantëve ka për qëllim të vazhdojë rrugën drejt Evropës por në mënyrë legale. Bëhet fjalë për familje që kanë persona të moshuar dhe fëmijë dhe nuk janë të gatshëm për të marrë mbi supe rreziqe gjatë gjetjes së rrugëve ilegale”, bën të ditur për Radion Evropa e Lirë, Arbnor Tefiku, ndihmës udhëheqës i Qendrës transitore të emigrantëve në Tabanoc.
Organizatat humanitare në vazhdimësi u bëjnë thirrje autoriteteve të vendit që Maqedonia si shtet, të jetë e gatshme për të pranuar një valë të re të refugjatëve nëse aktivizohet sërish rruga Ballkanike në rast se dështon marrëveshja ndërmjet Bashkimit Evropian dhe Turqisë. /Telegrafi/
Promo
Reklamo këtuLufta Prigozhin - Putin
Më shumëKush është Stane Gashi, "nëna e UÇK-së"
Rasti i 2.1 milionëshit, zëvendësministri Sallahu: 500 mijë euro janë në një bankë në Turqi, po punojmë me autoritetet atje që t’i kthehen Thesarit të Shtetit
Raportet Kosovë-Serbi, Steinbaum: Shkëmbimi i territoreve mund të rikthehet si ide nga administrata Trump
Meta nga burgu: Njerëz të SPAK më kanë sugjeruar të arratisem, s’ka akuzë zyrtare ndaj meje
Fundjavë me temperatura dimërore në Kosovë
Kosova gëzon mbështetjen e Suedisë për anëtarësim në BE dhe NATO
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Më të lexuarat
Platforma ku mund ta shikoni duelin e vitit Jake Paul - Mike Tyson
Cristiano Ronaldo po largohet nga Al Nassr shkaku i garës së FIFA-s
Publikohet lista e plotë me rregullat kontroverse për luftën Mike Tyson - Jake Paul
Trump dëshiron ta mbyllë Departamentin e Arsimit - çfarë do të thotë kjo për edukimin shkollor
Ledri Vula e pranon se ka fjetur me një fanse
John Thune zgjidhet kryetar i Senatit Amerikan - kandidati që donin shqiptaro-amerikanët